18 сәуір күні «Таза Қазақстан» экологиялық акциясы аясында А.Тоқпанов ауылдық округінің саябағында сенбілік ұйымдастырылды. Аталған шараға мектеп мұғалімдері мен экология фракциясының белсенді мүшелері қатысып, қоршаған ортаны тазарту жұмыстарына өз үлестерін қосты. Сенбілік барысында саябақ ауласы тазартылып, қоқыстар жиналды, жасыл аймақтар ретке келтірілді. Табиғатты аялау – әрбір азаматтың борышы екенін түсінген қатысушылар бұл іске үлкен жауапкершілікпен қарап, ұйымшылдық танытты.
